Қирғизистондан ноқонуний олиб келинган 5,7 млрд сўмлик заргарлик буюмлари тўхтатиб қолинди

Хусусан, Фарғона туманида яшовчи, 1987 й.т. фуқаро қирғизистонлик шахс томонидан айланма йўллар орқали “ўзбек-қирғиз” давлат чегарасидан ноқонуний равишда мамлакатимизга ўтказиб берилган катта миқдордаги заргарлик буюмларини қабул қилиб олади. 

Сўнгра моддий манфаат эвазига, уларни Фарғона шаҳрида кутиб турган Андижон вилояти Жалақудуқ туманида яшовчи, 1997 й.т. фуқарога етказиб берган вақтида, уларнинг иккаласи ҳам қўлга олинди.

Тилладан ясалган ушбу заргарлик буюмларининг жами оғирлиги 5 кг 706 гр.ни ташкил қилиб, дастлабки умумий қиймати 5 млрд 746 млн сўмга тенг.

Ҳозирда мазкур шахсларга нисбатан терговга қадар текширув ҳаракатлари олиб борилмоқда.