updated: 22.03.2026, 18:54

Самарқанддаги мактаб ва боғчада бўғма илон билан ноқонуний томоша қўйилди

Ижтимоий тармоқларда Мактабгача таълим муассасаларининг бирида тарбияланувчи болаларнинг кўз ўнгида бўғма илон билан "Илон ўйини" томошасини ўтказгани тасвирланган видео тарқалди. Мазкур ҳолатга Болалар омбудсмани расмий муносабат билдирди.

Ўзбекистон

03.12.2024, 10:21

Lotinchada

Улашиш:

Samarqanddagi maktab va bogʻchada boʻgʻma ilon bilan noqonuniy tomosha qoʻyildi

Қайд этилишича, воқеа жорий йилнинг 24 октябрь куни Самарқанд вилояти Қўшработ туманида жойлашган мактабгача таълим муассасасида кузатилган.

Вилоятнинг Иштихон туманида яшовчи Б.М. ҳамда И.Б.лар 60 нафарга яқин тарбияланувчиларининг кўз ўнгида бўғма илон (Қизил китобга киритилган, ноқонуний равишда сақланган йўлбарс питонининг узунлиги 2,50 метр) билан цирк томошасини намойиш қилган.

Б.М. фаолият юритувчи МЧЖ томонидан Қўшработ туман ҳудудида жорий йилнинг 31 декабрь кунига қадар замонавий цирк томошаларини ўтказиш учун рухсатномаси бўлса-да, унинг доирасида "Илон ўйини" намойиш этиш кўзда тутилмаган.

Текшириш давомида М.Б. ҳамда Б.И.лар томонидан моддий манфаатдорлик эвазига Қўшработ туманида жойлашган яна 8 та умумтаълим мактабларда ҳам мазкур бўғма илон билан цирк томошаси ўтказилганлиги аниқланган (жами 840 нафар ўқувчи томошабин бўлиб иштирок этган).

Шундан сўнг, яъни 26 ноябрь куни Б.М.томонидан ноқонуний равишда сақланган йўлбарс питони мутахассислар иштирокида ҳужжатлаштирилиб, вилоят Экология бошқармасига тегишли тартибда топширилган.

Ҳозирда юқоридаги ҳолат юзасидан-юзасидан терговга қадар текширув ҳаракатлари давом эттирилиб, вазиятга ҳуқуқий баҳо бериш юзасидан қонуний чоралар кўрилмоқда.

Ўзбекистон

03.12.2024, 10:21

Улашиш:

#Самарқанд

мавзуга оид янгиликлар