Ўзбек алифбосидаги тўрт ҳарф ўзгарди

Ўзгаришлар айрим ҳарфлар ёзилишини янгилаш ва ўзбек алифбосининг туркий тиллар алифболари билан муштараклигини оширишга қаратилган.

Янги тартибга кўра, ўзбек алифбосидаги тўртта ҳарф бирикмаси ва ҳарфнинг ёзилиши такомиллаштирилади:

• O‘ → Ö
• G‘ → Ğ
• Sh → Ş
• Ch → Ç

Ушбу ўзгаришлар ўзбек ёзувининг турк, озарбайжон, туркман ва қозоқ алифболари билан умумий жиҳатларини кўпайтиришга хизмат қилиши кутилмоқда. Мазкур алифболарда умумтуркий ёзувга хос айрим ҳарфлар аллақачон қўлланилади.

Қонун алифбони янгилаш жараёнини босқичма-босқич амалга оширишни ҳам назарда тутади. Амалдаги ҳужжатлар, дарсликлар ва бошқа материалларни бирданига алмаштириш талаб этилмайди. Улар яроқлилик муддати тугагач, ўз кучини йўқотгач ёки навбатдаги янгиланиш жараёнида янги алифбога мослаштириб борилади.

Бу ёндашув алифбодаги ўзгаришларни босқичма-босқич жорий этиш ва мавжуд материалларни табиий равишда янгилаш имконини беради.