Сирдарё тумани солиқ раҳбарининг ҳақоратли мурожаати тарқалди

Видеода мансабдор ходимларни қўрқитиш, таҳдид қилиш ва уларни ҳақоратлаш билан бирга, кескин иборалар ишлатган. У ходимлардан қарздорликни қисқа муддатда тугатишни талаб қилиб, акс ҳолда уларни “ишдан бўшатиш” ёки бошқа чоралар кўриш билан қўрқитган.

Орадан кўп ўтмай, Сирдарё вилояти Солиқ бошқармаси ушбу вазиятга расмий муносабат билдирди. Баянотда айтилишича:

“Ижтимоий тармоқларда Сирдарё тумани солиқ инспекцияси раҳбари билан боғлиқ видеоматериал тарқалди. Мазкур ҳолат Сирдарё вилояти солиқ бошқармаси раҳбарияти томонидан назоратга олиниб, ўрганиш ишлари олиб борилмоқда. Дастлабки ўрганишларда ушбу ҳолат 2024 йилда содир бўлгани аниқланди. Ҳозирда суриштирув давом этмоқда”.

Маълумот учун, Сирдарё туманида ходимларига қўпол муомала қилган раҳбар сифатида тилга олинаётган Тоҳир Элмуродов жорий йилнинг август ойида солиқ инспекцияси бошлиғи вазифасини бажарувчи этиб тайинланган. У бундан олдин ушбу инспекцияда бошлиқ ўринбосари лавозимида ишлаган.