Соғлиқни сақлаш вазирлигида йирик кадрлар алмашинуви амалга оширилди

Президент қарорига кўра, Асилбек Худаяров бошқа ишга ўтиши муносабати билан соғлиқни сақлаш вазири лавозимидан озод этилди.

Унинг ўрнига Элдор Адилов соғлиқни сақлаш вазири этиб тайинланди. Шу муносабат билан у Президент Администрациясидаги лавозимидан озод этилди. Маълум қилинишича, унинг номзоди аввал Олий Мажлис Қонунчилик палатаси депутатлари томонидан маъқулланган.

Вазирликда янги тайинловлар

Шунингдек, вазирликда қуйидаги тайинловлар амалга оширилди:

• Отабек Имамов — соғлиқни сақлаш вазирининг биринчи ўринбосари;
• Жалолиддин Асамутдинов — комплаенс ва коррупцияга қарши ички назорат бўйича ўринбосар;
• Адҳам Худайкулов — вазир ўринбосари;
• Шерзод Мухаммедов — вазир ўринбосари;
• Илхомжон Умрзақов — вазир ўринбосари.

Озод этилганлар

Қарорга кўра, бир қатор раҳбарлар ҳам лавозимидан озод этилди:

• Алишер Бобоев — биринчи ўринбосар;
• Элмира Баситханова — вазир ўринбосари;
• Фарход Тошпўлатов — вазир ўринбосари.

Агентликда ҳам ўзгариш

Шу билан бирга, Абдулла Азизов Соғлиқни сақлаш вазирлиги ҳузуридаги Тиббиёт ва фармацевтика тармоғини ривожлантириш агентлиги директори этиб тайинланди.