Россияда ўзбекистонлик аёл 6 ойлик чақалоқни ўлдириб қўйди

Қайд этилишича, Санкт-Петербург шаҳрида истиқомат қилувчи оила олти ойлик чақалоққа қараб туриш учун 24 ёшли ўзбекистонлик аёлни ёллаган. Аёл болани чўмилтираётганида уни йиқитиб юборган. Бунинг оқибатида боланинг боши ваннага урилган. Сўнг энага тез ёрдам чақирган. Бироқ шифокорлар чақалоқни сақлаб қола олмаган. Бола клиник ўлим билан шифохонага олиб борилган. 

Шифокорлар чақалоқнинг ўлимига бош миядан олган жароҳати оқибатида суякларининг синиши сабаб бўлганлигини билдирган. Аммо аёл тергов қилинганда боланинг ҳарорати кўтарилгани ва унга "Нурофен" дорисини берганини айтган. Шундан сўнг чақалоқда тутқаноқ пайдо бўлгани ва у ҳушидан кетмаганини очиқлаган. 

Мазкур воқеа сабабчиси деб кўрсатилаётган аёл Москва туман суди томонидан чақалоқнинг ўлимида айбдор деб топилиб, ҳибсга олинган. У икки ойга, яъни 16 декабргача тергов изоляторига юборилди. 

Бундан ташқари, хабарда айбланувчи рус тилини яхши билмагани учун суд мажлиси давомида унга таржимон ёрдам бергани, олдин судланмагани ҳамда айбланувчининг бир ярим ёшли фарзанди борлиги маълум қилинган.