Конгрессдаги тўқнашув: Эрон бўйича нотўғри маълумотлар очиқланмоқда

Гомес Миллий разведка директори Тулси Габбарддан Эроннинг ядровий дастури бўйича аниқ жавоб талаб қилди. У «бомба яратилишига саноқли ҳафталар қолганмиди?» деган саволни қўйди, бироқ Габбард тўғридан-тўғри жавоб беришдан тийилди.

Бу ҳолат АҚШ разведка тизими Эрон ҳақида нотўғри ёки чалкаш маълумот берган бўлиши мумкинлиги ҳақидаги гумонларни кучайтирди. Айни пайтда, Габбард ўз баёнотларида масъулиятни билвосита сиёсий қарор қабул қилувчиларга, хусусан Доналд Трамп маъмуриятига юклаётгандек таассурот қолдирди.

Бироқ бундай ҳолатларда асосий жавобгарлик айнан разведка идоралари зиммасига тушиши кераклиги таъкидланмоқда. Чунки ҳарбий қарорлар кўп ҳолларда айнан разведка тақдим этган маълумотларга асосланади.

Муҳокамалар давомида яна бир муҳим жиҳат кўтарилди: агар Эрон ҳақидаги баҳолар нотўғри бўлган бўлса, у ҳолда уруш қарорлари ҳам шубҳа остида қолади. Биргина тахмин ёки нотўғри таҳлил асосида бошланган ҳарбий ҳаракатлар оқибатида минглаб тинч аҳоли қурбон бўлгани ҳақида ҳам гап кетмоқда.

Конгрессдаги ушбу тингловлар АҚШнинг Эронга нисбатан ҳаракатлари қайта кўриб чиқилиши кераклиги ҳақидаги чақириқларни кучайтирди. Шу билан бирга, нотўғри маълумотлар асосида қабул қилинган қарорлар учун ким жавобгар бўлиши кераклиги масаласи ҳам кун тартибига чиқмоқда.