updated: 22.03.2026, 13:59

Янги аэропорт қурилиши учун аҳоли уйлари бузиладими?

Тошкент вилоятининг Ўрта Чирчиқ ва Қуйи Чирчиқ туманлари туташ ҳудудида бунёд этилаётган Янги Тошкент халқаро аэропорти лойиҳаси доирасида айрим аҳоли хонадонлари ҳамда бино-иншоотларни бузиш режалаштирилгани маълум қилинди.

Ўзбекистон

30.10.2025, 12:33

Lotinchada На русском языке

Улашиш:

Янги аэропорт қурилиши учун аҳоли уйлари бузиладими?

Фото: Хокимият Уртачирчикского района

Қурилиш учун Ўрта Чирчиқ туманидаги Халқобод ва Янгийўл маҳаллаларидан ер майдонлари ажратилган. Бу ҳудудларда яшовчи фуқаролар ҳамда фермер хўжаликларига тегишли бино-иншоотлар учун белгиланган тартибда компенсация тўловлари амалга оширилади.

Туман ҳокими аҳоли ва фермерлар билан учрашув ўтказиб, компенсация механизми, ҳужжатлар расмийлаштирилиши ҳамда бузиладиган объектлар бўйича тушунтиришлар берди.

Янги Тошкент халқаро аэропорти лойиҳаси ҳақида
Лойиҳа қурилишига 2025-йил 20-октябр куни Президент Шавкат Мирзиёев томонидан расмий старт берилган. Қурилиш Саудия Арабистонининг “Vision Invest”, Япониянинг “Sojitz” ва Кореянинг “Incheon” компаниялари иштирокидаги халқаро консорциум билан ҳамкорликда амалга оширилмоқда.

Лойиҳа 4 босқичдан иборат бўлиб, биринчи босқич учун 2,5 миллиард доллар миқдорида сармоя киритилади.

Янги Тошкент аэропорти мамлакатнинг энг йирик логистика ва транспорт марказига айланиши кутилмоқда. Қурилиш жараёни халқаро стандартлар асосида олиб борилиб, минтақавий авиатранспорт тармоғининг марказий бўғини бўлиши режалаштирилган.

Техника имкониятлар
Янги терминал орқали йилига 20 миллион йўловчи ва 129 минг тонна юк ташиш имконияти яратилади. Соатига 30 та учиш-қўниш операцияси амалга оширилади. Аэропортда 14 та телескопик трап ва бир вақтнинг ўзида 62 та ҳаво кемасини сақлаш қуввати бўлади.

Ўзбекистон

30.10.2025, 12:33

Улашиш:

#Аэропорт #янги тошкент

машҳур янгиликлар