Янгийўлда дайди итлар ҳужуми: норасида боланинг аҳволи оғир

Маълум қилинишича, шаҳарда дайди итлар сони сўнгги вақтларда кескин ошган. Аҳоли ва фаоллар бу муаммо узоқ вақтдан бери ечимини топмаётганини, чора-тадбирлар эса етарли даражада самара бермаётганини таъкидламоқда.

Мутахассислар ва жамоатчилик вакиллари фақат фожиали ҳолат содир бўлгандан кейин эмас, балки олдиндан тизимли чоралар кўриш зарурлигини қайд этмоқда. Айниқса, болалар, кексалар ва аёллар хавф остида қолмоқда.

Шу билан бирга, муаммо фақат Янгийўл шаҳри билан чекланиб қолмаяпти. Аҳоли маълумотларига кўра, дайди итлар сони Қуйи Чирчиқ, Оққўрғон ва Ангрен ҳудудларида ҳам ортиб бормоқда.

Жамоатчилик масъул идораларни дайди итлар билан боғлиқ масалага жиддий ёндашишга, аҳоли хавфсизлигини таъминлаш бўйича кечиктириб бўлмас чоралар кўришга чақирмоқда.