“Wall Street Journal” Трампнинг хориж сафарини ёритувчи гуруҳдан чиқарилди

Оқ уй “Wall Street Journal” газетасини АҚШ президенти Дональд Трампнинг Шотландияга бўлажак сафари ҳақида ёритувчи журналистлар гуруҳидан чиқарди, деб хабар берди Politico портали.

Бундай қарорга келинишига нашр томонидан чоп этилган мақола сабаб бўлди. Унда иддао қилинишича, Трамп 2003 йили воя етмаган болага бузуқлик қилишда айбланган молиячи Жеффри Эпштейнга унинг 50 ёшлиги муносабати билан шахсий имзоси туширилган беҳаё мазмундаги расм юборган.

Оқ уй матбуот котиби бу борада шундай изоҳ берди:

“Апелляция суди тасдиқлаганидек, на Wall Street Journal, на бошқа бирор оммавий ахборот воситаси президентга тўғридан-тўғри чиқиш ҳуқуқига эга эмас”.