Xiaomi электромобил етказиб беришни март ойи охирида бошлашни режалаштирмоқда

Смартфон ишлаб чиқарувчи гигант Xiaomi ўзининг биринчи электромобили СУ7 седанини сотишни бошлаш билан Хитойнинг жадал ривожланаётган автомобил бозорига киради.

Фан-технология

15.03.2024, 11:46

Lotinchada

Улашиш:

Reuters

Xiaomi компаниясининг биринчи электр автомобили СУ7 2023-йил 28-декабрь Пекиндаги тадбирда намойиш этилган эди.

Компания сешанба куни кучли рақобат шароитида дунёдаги энг йирик автомобил бозорига кириб, ўзининг биринчи электр автомобили модели СУ7 ни етказиб беришни бошлашини эълон қилди.

Хитойнинг бешинчи йирик смартфон ишлаб чиқарувчиси Weibo'даги постида мамлакат бўйлаб 29 та шаҳарда буюртмаларни қабул қиладиган 59 та дўкони борлигини айтди.

Янги модел савдоларини бошланиши 28-мартга режалаштирилган.

Бу эълон қилинганидан кўп ўтмай Xiaomi акциялари 7 фоизга қимматлашди.

Хитойнинг электромобил саноати январ-феврал ойларида 18 фоизга ўсди, бу 2023-йил давомида кузатилган 21 фоизлик ўсишдан унчалик узоқ эмас.

Бу йил бозорда етакчи саналган BYD бошчилигида бир қатор компаниялар ички талабнинг пасайиши натижасида истеъмолчиларни ўзига жалб қилиш учун нархларни максимал даражада тушира бошлади.

Декабр ойида Speed Ultra 7 (СУ7) седани тақдимотида бош ижрочи Лей Жун Xiaomi дунёнинг энг яхши бешта автомобил ишлаб чиқарувчилардан бирига айланишни режалаштираётганини айтди.

Лейнинг таъкидлашича, СУ7 "супер электр мотор" технологиясига эга, бу Tesla ва Porsche электромобилларига қараганда тезроқ тезлашишга қодир.

Таҳлилчиларнинг фикрича, автомобилнинг Xiaomi телефонлари ва бошқа электрон қурилмалари билан биргаликда бошқарилиши компаниянинг мавжуд мижозларига ёқади.

Унинг автомобиллари Пекиндаги заводда йилига 200 минг автомобил ишлаб чиқариш қувватига эга BAIC Group давлат автомобил ишлаб чиқарувчиси томонидан ишлаб чиқарилади.

Смартфон гиганти ўн йил ичида автомобилларга 10 миллиард доллар сармоя киритишга ваъда берган.

Мустафо Яхёев
журналист

Фан-технология

15.03.2024, 11:46

Улашиш: