Сентябрь ойида Ўзбекистонда электромобиллар савдоси рекорд даражага етди

Маълумотларга кўра, сентябрь ойида умумий енгил автомобиль савдоси 84,6 минг донани ташкил этди — бу август ойига нисбатан 6,4 фоизга кам. Энг катта пасайиш Сурхондарё, Навоий вилоятлари ва Тошкент шаҳрида, энг юқори ўсиш эса Сирдарё ва Тошкент вилоятларида кузатилган.

Бирламчи бозор

Янги енгил автомобиллар сегментида фаоллик мавсумий равишда пасайган. Савдо ҳажми 15,2 фоизга камайиб, 31,9 минг дона автомобиль сотилган.

Маҳаллий ишлаб чиқарилган автомобиллар — 27,4 минг дона (−16,1%).

Импорт автомобиллар — 4,5 минг дона (−8,9%).

Иккилламчи бозор

Иккилламчи енгил автомобиль бозори барқарорлигини сақлаб қолди — 52,6 минг дона машина сотилган, бу ўтган ойга нисбатан атиги 0,1 фоизга кам.

Электромобиллар сегменти

Сентябрь ойида 7,8 минг дона электромобил сотилиб, бу август ойига нисбатан 21,6 фоизга кўп. Бу ҳозиргача кузатилган энг юқори кўрсаткич сифатида қайд этилди.

Жорий йилнинг учинчи чорагида сотилган енгил электромобиллар сони 20,7 минг донани ташкил этди — бу ўтган йилнинг шу даврига нисбатан 2,2 баробар кўп. Энг катта ўсиш Тошкент шаҳри, Тошкент ва Самарқанд вилоятларида қайд этилган.