Янги йил анъаналари: урф-одатлар орқали халқларни таниш

Янги йил — дунёнинг барча бурчакларида нишонланадиган энг оммавий байрамлардан бири. Бироқ уни қарши олиш усуллари ҳар бир халқда мутлақо ўзига хос.

Маданий

31.12.2025, 10:32

Lotinchada

Улашиш:

Айрим мамлакатларда Янги йил шов-шувли байрам бўлса, бошқаларида у сокин ёки ҳатто ғалати урф-одатлар билан нишонланади. Қуйида дунёда энг ноодатий деб ҳисобланган ўнта Янги йил анъанаси жамланди.

1.Испанияда Янги йил кириб келиши билан соатнинг 12 зарбасига мослаб 12 дона узум ейилади. Бу ҳар ой учун омад тилаш рамзи ҳисобланади.

2.Бразилияда эса одамлар оқ кийимда соҳилга чиқиб, денгизга гул ташлайди ва тўлқинлардан сакраб, келажакдан яхшилик сўрайди.

3.Японияда Янги йил маънавий тарзда ўтади — будда ибодатхоналарида қўнғироқ 108 марта чалиниб, инсон нафсидан покланиш рамзланади.

4.Данияда эса дўстлар уйи олдида идиш-товоқ синдириш омад ва мустаҳкам дўстлик белгиси ҳисобланади.

5.Колумбияда Янги йилда кўчада чемодан билан юриш келаси йилда кўп саёҳат қилиш истагини англатади.

6.Бундан ташқари, Швейцарияда молиявий фаровонлик учун полга қаймоқ ташлаш одати бор.

7.Эстонияда эса Янги йил куни 7, 9 ёки 12 марта овқат ейиш куч-қувват ва барака келтиради, деб ишонилади.

8.Финляндияда эритилган қўрғошин сувга қуйилиб, ҳосил бўлган шакллар орқали келажак “башорат” қилинади.

9.Филиппинда ҳамма нарса юмалоқ бўлиши шарт — юмалоқ мева, кийим ва нақшлар пул ва фаровонлик рамзи ҳисобланади.

10.Энг таъсирли анъаналардан бири эса Чилида учрайди: айрим шаҳарларда одамлар Янги йилни вафот этган яқинлари қабри устида қарши олади.

Бу ғалати туюлган анъаналар аслида халқларнинг орзу-умидлари, қўрқувлари ва қадриятларини акс эттиради. Қаердадир Янги йил қувноқ шов-шув билан бошланса, қаердадир у сокин тафаккур ва хотира билан кутиб олинади. Аммо барчасини бирлаштириб турадиган жиҳат битта — янги йилдан яхшилик кутиш.

Маданий

31.12.2025, 10:32

Улашиш:

#янги йил #мамлакатларда #ноодатий

мавзуга оид янгиликлар