2024-yilda Osiyo jahonning eng tez rivojlanayotgan qitʼasi boʻladi

“Osiyo iqtisodiyoti integratsiyasi istiqbollari va taraqqiyoti toʻgʻrisida 2024-yilgi yillik hisobot” deb nomlangan ushbu hujjatga koʻra, Osiyo iqtisodiyoti turli tashqi iqtisodiy muammolarga duch kelgan boʻlsa-da, nisbatan katta isteʼmol talabi va faol investitsiyaviy muhit natijasida yuqori oʻsish surʼatini saqlab qoladi.

Hisobot mualliflarining prognozlariga koʻra, mintaqalar boʻyicha Sharqiy Osiyo iqtisodiyotining oʻsish surʼati 2023-yildagidek 4,3 foizni tashkil etadi. Janubiy Osiyoning iqtisodiy oʻsishi 5,4 foizdan oshadi, mintaqa iqtisodiyoti 2023-yilda 5,8 foizga oʻsgan va Osiyo qitʼasidagi eng tez rivojlanayotgan mintaqasi sifatida mavqega ega boʻlib qolmoqda. Ayni paytda Markaziy Osiyoda iqtisodiy oʻsish 4,5 foizdan kamroq boʻlishi mumkin, mintaqada 2023-yilda 4,3 foiz oʻsish kuzatilgan.  Gʻarbiy Osiyoda esa 2,5 foiz oʻsish kuzatilishi mumkin. 
“Xarid qobiliyati (PPP) nuqtai nazaridan, yil oxirida Osiyo yalpi ichki mahsuloti dunyo yalpi ichki mahsulotining 49 foizini tashkil qilishi kutilmoqda, bu 2023-yilga nisbatan 0,5 foiz punktga koʻpdir”, — deyiladi hujjatda.

Ish bilan bandlik nuqtai nazaridan hisobotda aytilishicha, 2024-yil uchun global prognoz davom etayotgan iqtisodiy pasayish tufayli unchalik yorqin emas. Hisobot bu yil Sharqiy va Janubiy Osiyoning aholi zich joylashgan hududlarida ish bilan bandlikning nisbatan sekin oʻsishini prognoz qilmoqda, bu esa mintaqadagi umumiy oʻsishni sekinlashtirishi mumkin, ammo Osiyoda umumiy ishsizlik global darajadan pastligicha qolishi kutilmoqda.

Mualliflarining taʼkidlashicha, Osiyo mintaqalarida koʻpchilik toʻliq stavkali ishlarda uzoq ish kuniga qaramay, daromadlarning oʻsishi "katta soʻroq ostida" qoladi. Sohalar boʻyicha daromadlarda katta tafovutlar hisobga olinsa, Osiyo iqtisodlarida ichki daromadlar tengsizligi yanada yomonlashishi mumkin, deya ogohlantiradi hisobot mualliflari.

Shuningdek, Osiyoning aksariyat bozorlarida umumiy inflyatsiya bosimi 2024-yilda yanada kuchayishi prognoz qilindi va hozirda inflyatsiya darajasi past boʻlgan mamlakatlarda keskin oʻsish kutilayotgani taʼkidlandi.

Boao Osiyo forumining yillik yigʻilishi bu yil 26-29-mart kunlari boʻlib oʻtadi.