updated: 22.03.2026, 16:54

2024-йилда Осиё жаҳоннинг энг тез ривожланаётган қитъаси бўлади

2024-йил охирига келиб Осиё иқтисодиёти 2023-йилдаги кўрсаткичдан ошиб, тахминан 4,5 фоизга ўсиши кутилмоқда. Шу билан бирга, Осиё глобал иқтисодий ўсишга энг катта ҳисса қўшадиган дунё минтақаси бўлиб қолади. Бу ҳақида Хитойнинг Боао шаҳрида ўтаётган Осиё форуми йиғилишида эълон қилинган ҳисоботда айтилди.

Иқтисодиёт

26.03.2024, 16:26

Lotinchada

Улашиш:

2024-йилда Осиё жаҳоннинг энг тез ривожланаётган қитъаси бўлади

“Осиё иқтисодиёти интеграцияси истиқболлари ва тараққиёти тўғрисида 2024-йилги йиллик ҳисобот” деб номланган ушбу ҳужжатга кўра, Осиё иқтисодиёти турли ташқи иқтисодий муаммоларга дуч келган бўлса-да, нисбатан катта истеъмол талаби ва фаол инвестициявий муҳит натижасида юқори ўсиш суръатини сақлаб қолади.

Ҳисобот муаллифларининг прогнозларига кўра, минтақалар бўйича Шарқий Осиё иқтисодиётининг ўсиш суръати 2023-йилдагидек 4,3 фоизни ташкил этади. Жанубий Осиёнинг иқтисодий ўсиши 5,4 фоиздан ошади, минтақа иқтисодиёти 2023-йилда 5,8 фоизга ўсган ва Осиё қитъасидаги энг тез ривожланаётган минтақаси сифатида мавқега эга бўлиб қолмоқда. Айни пайтда Марказий Осиёда иқтисодий ўсиш 4,5 фоиздан камроқ бўлиши мумкин, минтақада 2023-йилда 4,3 фоиз ўсиш кузатилган. Ғарбий Осиёда эса 2,5 фоиз ўсиш кузатилиши мумкин.
“Харид қобилияти (ППП) нуқтаи назаридан, йил охирида Осиё ялпи ички маҳсулоти дунё ялпи ички маҳсулотининг 49 фоизини ташкил қилиши кутилмоқда, бу 2023-йилга нисбатан 0,5 фоиз пунктга кўпдир”, — дейилади ҳужжатда.

Иш билан бандлик нуқтаи назаридан ҳисоботда айтилишича, 2024-йил учун глобал прогноз давом этаётган иқтисодий пасайиш туфайли унчалик ёрқин эмас. Ҳисобот бу йил Шарқий ва Жанубий Осиёнинг аҳоли зич жойлашган ҳудудларида иш билан бандликнинг нисбатан секин ўсишини прогноз қилмоқда, бу эса минтақадаги умумий ўсишни секинлаштириши мумкин, аммо Осиёда умумий ишсизлик глобал даражадан пастлигича қолиши кутилмоқда.

Муаллифларининг таъкидлашича, Осиё минтақаларида кўпчилик тўлиқ ставкали ишларда узоқ иш кунига қарамай, даромадларнинг ўсиши "катта сўроқ остида" қолади. Соҳалар бўйича даромадларда катта тафовутлар ҳисобга олинса, Осиё иқтисодларида ички даромадлар тенгсизлиги янада ёмонлашиши мумкин, дея огоҳлантиради ҳисобот муаллифлари.

Шунингдек, Осиёнинг аксарият бозорларида умумий инфляция босими 2024-йилда янада кучайиши прогноз қилинди ва ҳозирда инфляция даражаси паст бўлган мамлакатларда кескин ўсиш кутилаётгани таъкидланди.