AQShning Janubiy va Markaziy Osiyo boʻyicha byuroning katta masʼul xodimi Erik Mayer Oʻzbekistonga keladi

Qayd etilishicha,  Erik Meyer AQSh va Oʻzbekiston oʻrtasidagi xavfsizlik va savdo hamkorligini kengaytirish maqsadida Oʻzbekiston hukumatining yuqori martabali shaxslari bilan uchrashadi.

"SBO Meyer oʻzining ikki tomonlama uchrashuvlaridan tashqari Amerika-Oʻzbekiston Savdo palatasi (AUCC) tomonidan tashkil etiladigan 2025-yilgi AQSh-Oʻzbekiston yillik biznes forumida ishtirok etadi. Uning tashrifi AQSh-Oʻzbekiston strategik hamkorligini yanada yuksaltirish, tijoriy hamkorlikning muhim sohalarida yangi imkoniyatlarni aniqlashdan iborat", -  deyiladi xabarda.

Maʼlumot uchun, Erik Meyer Oliy tashqi ishlar xizmatining mansabdor aʼzosi boʻlib, Janubiy va Markaziy Osiyo boʻyicha byuroning katta masʼul xodimi sifatida ishlaydi. Bu rolda u Afgʻoniston, Bangladesh, Butan, Hindiston, Qozogʻiston, Qirgʻiziston, Maldiv orollari, Nepal, Pokiston, Shri-Lanka, Tojikiston, Turkmaniston va Oʻzbekiston kabi Janubiy va Markaziy Osiyo boʻylab AQSh siyosatining ustuvor yoʻnalishlarini nazorat qiladi.