Bahodir Jalolov navbatdagi gʻalabasini qoʻlga kiritdi, ammo jang ogʻir kechdi

8 raundga moʻljallangan jang toʻliq davom etdi. Har ikki sportchi ham jangni yuqori surʼatda boshladi, ammo raundlar oʻtishi bilan kuchli zarbalar va jismoniy yuklamalar taʼsiri sezila boshladi.

Hakamlar qaroriga koʻra, Bahodir Jalolov raqibini ochkolar (77–73, 77–74, 78–72) hisobida magʻlub etdi va oʻzining navbatdagi professional gʻalabasini qoʻlga kiritdi.

Ammo jangni kuzatgan barcha Jalolov oxirgi raundlarda ancha charchab qolganini koʻrdi. Raqib yaqin kelganda u koʻproq himoya taktikasiga oʻtib, maksimal darajada klinchga kirishga harakat qildi, nafas olishda qiynaldi.

Bahodir Jalolov jangdan keyin oʻzining harakatlaridan toʻliq qoniqmagani, jismoniy tayyorgarlikni yanada oshirishi zarurligi haqida gapirdi.

Shu tariqa, Jalolov gʻalaba qozongan boʻlsa-da, bu jang unga jiddiy saboq berdi.

Bahodir Jalolov professional faoliyatidagi navbatdagi jangini 2025 yil oxiriga qadar oʻtkazishi rejalashtirilgan.