BMT Taraqqiyot dasturi tomonidan tayyorlangan Inson taraqqiyoti indeksida Oʻzbekiston dunyoning 193 mamlakati va hududi orasida 106-oʻrinni egalladi

Mamlakatlar inson taraqqiyotining uchta asosiy koʻrsatkichi boʻyicha baholandi — umr koʻrish davomiyligi, kutilayotgan va amaldagi taʼlim davomiyligi hamda aholi jon boshiga sotib olish qobiliyati pariteti boʻyicha yalpi milliy daromad koʻrsatkichi.

Oʻrtacha umr koʻrish davomiyligi 71,7 yil boʻlgan oʻzbekistonliklar 12 yil oʻqiydi, aholi jon boshiga toʻgʻri keladigan yalpi daromad esa 8056 dollarni tashkil qiladi.

Oʻzbekistonning Inson taraqqiyoti indeksi 2022 yilda 0,727 ni (maksimal koʻrsatkich — 1,000) tashkil etdi. Mamlakat insonparvarlik indeksi yuqori boʻlgan davlatlar toifasiga kirdi. Reytingda Oʻzbekiston Misr va Vetnam oʻrtasida joylashgan.

Markaziy Osiyo davlatlaridan Qozogʻiston indeksda 67, Turkmaniston 94, Qirgʻiziston 117 va Tojikiston 126-oʻrinni egalladi.

Indeks yetakchisi 0,967 koʻrsatkich bilan Shveysariya boʻldi. Undan keyin Norvegiya va Islandiya joylashdi. Kuchli beshlikka Gonkong va Daniya ham kirdi.