Trampning Gʻazo boʻyicha rejasi BMT tomonidan maʼqullandi

Reja doirasida Xalqaro barqarorlashtirish kuchlari (ISF) tuziladi. Ular Isroil va Misr bilan hamkorlikda, yangi Falastin politsiyasi bilan birga chegaralarni nazorat qiladi va HAMAS kabi qurolli guruhlarni qurolsizlantirish jarayonini kuzatadi.

AQSh BMTdagi elchisi Mayk Volsning aytishicha, ISF hudud xavfsizligini taʼminlaydi, Gʻazoni demilitarizatsiya qiladi, qurollarni yoʻq qiladi va tinch aholining xavfsizligini himoya qiladi. Shuningdek, BMT vaqtinchalik boshqaruv organi — «Tinchlik Kengashi» tuziladi, u Falastin qoʻmitasi boshqaruvida gumanitar yordam tarqatish va hududni tiklashni nazorat qiladi.

Tramp qarorni tarixiy deb atadi va kengash tuzilishi tez orada eʼlon qilinishi aytilgan. Rezolyutsiyada Falastin xalqi oʻz davlatini shakllantirishga yoʻl ochilishi ham tilga olingan.

Birinchi bosqich — Isroil va HAMAS oʻrtasida oʻt ochishni toʻxtatish va garovdagilarni topshirish — 10 oktabrda kuchga kirgan. Vols uni «juda nozik birinchi qadam» deb taʼriflagan.