Neft bozorida keskin oʻsish: narxlar 100 dollardan oshib ketdi

Jahon neft bozorida keskin oʻzgarishlar kuzatilmoqda. Moskva vaqti bilan soat 01:00 holatiga koʻra neft narxi 9,46 foizga oshib, bir barrel uchun 102,15 dollarga yetdi. Oradan yetti daqiqa oʻtib, yaʼni 01:07 da oʻsish yanada tezlashib, narx 102,66 dollarga (+10%) koʻtarilgan. Bu haqda “TASS” axborot agentligi xabar berdi.

Londonning ICE birjasi maʼlumotlariga koʻra, 6 mart kuni Brent nefti narxi 2024 yil 19 apreldan beri ilk bor barrel uchun 90 dollarlik chegarani bosib oʻtdi. Moskva vaqti bilan soat 16:47 da narx 5,37 foizga koʻtarilgan boʻlsa, 16:51 ga kelib u 90,19 dollarga yetgan va umumiy oʻsish 5,6 foizni tashkil etgan.

2026 yil may oyida yetkazib berish uchun Brent nefti fyucherslari Londonning ICE birjasida deyarli 20 foizga qimmatlashdi.

Moskva vaqti bilan soat 01:15 da (GMT boʻyicha 22:15) neft narxi yanada keskin oshib, 2022 yil 5 iyuldan beri birinchi marta barrel uchun 111 dollardan oshib ketdi. Savdolarda bir barrel neft 111,40 dollarga sotilib, umumiy oʻsish 19,37 foizni tashkil etdi.

Biroq birozdan soʻng oʻsish surʼati sekinlashdi. Moskva vaqti bilan soat 22:24 da neft narxi 108,23 dollar atrofida shakllandi, bu esa 15,98 foizlik oʻsishni anglatadi.

Maʼlumot uchun, Moskva va Oʻzbekiston vaqti oʻrtasida 2 soat farq bor.