Chexiya Oʻzbekiston fuqarolari uchun yiliga 150 ta mehnat vizasi ajratadi

Bu haqda Migratsiya agentligi axborot xizmati xabar berdi.

Unda ikki davlat oʻrtasida tashkiliy mehnat migratsiyasini rivojlantirish hamda Chexiya mehnat bozori uchun Oʻzbekistonda malakali kadrlar tayyorlash masalalari muhokama qilingan.

Muzokaralar davomida, ayniqsa, tibbiyot sohasi mutaxassislarini tayyorlash masalasiga alohida eʼtibor qaratildi. Xususan, hamshiralar hamda qariyalarni parvarishlash bilan shugʻullanuvchi xodimlarni tayyorlash va ularni Chexiyada ish bilan taʼminlash imkoniyatlari koʻrib chiqildi.

Shuningdek, Chexiya tomoni tibbiyot kadrlarini xorijda ishlashga tayyorlash boʻyicha Toshkentdagi oʻquv kurslari faoliyati bilan tanishishga qiziqish bildirgan. Tomonlar mazkur yoʻnalishda amaliy hamkorlikni davom ettirishga kelishib olgan.