Chegaradan 400 dona tirik toshbaqani olib oʻtmoqchi boʻlganlar ushlandi

Qayd etilishicha, Oʻzbekistondan qoʻshni davlatga chiqib ketish uchun "Farhod" chegara bojxona postiga piyoda xolda kirib kelgan ikki nafar fuqaro yuklari bojxona koʻrigidan oʻtkazilgan. Shu jarayonda ularda hech qanday hujjatlari boʻlmagan 153 dona toshbaqalar borligi aniqlangan. 

Shundan soʻng olingan maʼlumotlar asosida bojxona xodimlari tomonidan tadbir davom ettirilib, "Farhod" chegara bojxona post atrofida toʻxtab turgan avtotransport vositasini xolislar ishtirokida koʻzdan kechirilgan. Avtotransport vositasining yukxonasi hamda salon qismining orqa oʻrindigʻida 4 dona qutilarga joylashtirilgan 247 dona toshbaqalar borligi aniqlangan.

"Tabiiy populyatsiyani saqlab qolish uchun ushbu tur Qizil kitobning yangi nashriga kiritilgan. Ayni damda, 400 dona Oʻrta Osiyo toshbaqalari Bekobod shahar ekologiya atrof muhitni muhofaza qilish boʻlimiga vaqtincha saqlashga topshirildi. Keyinchalik ular tabiatga qoʻyib yuboriladi", deyiladi xabarda.

Shuningdek, unda ozirda mazkur holat yuzasidan bojxona organlari tomonidan surishtiruv harakatlari davom etayotgani ham aytilgan.