O‘zbekiston suv tanqisligi xavfi yuqori davlatlar qatoridan joy oldi

Tahlilga ko‘ra, quyidagi 6 ta davlatda ichimlik suvi yetishmasligi xavfi eng yuqori darajada:

• Quvayt;
• Kipr;
• Ummon;
• Qatar;
• Bahrayn;
• Livan.

Baholash natijalariga ko‘ra, “yuqori” xavf guruhidan joy olgan 21 ta davlat orasida O‘zbekiston ham bor. Mamlakat umumiy reytingda 36-o‘rinni egallagan.

Markaziy Osiyoda yana ikki davlat ham ushbu toifaga kirgan:

▪️ Turkmaniston – 33-o‘rin;

▪️ Qirg‘iz Respublikasi – 42-o‘rin.

Qozog‘iston (58-o‘rin) va Tojikiston (62-o‘rin) esa suv tanqisligi xavfi “o‘rtacha yuqori” bo‘lgan davlatlar qatoridan joy olgan.

Tahlilga ko‘ra, suv tanqisligi ko‘proq yog‘ingarchilikning kamligi, yerosti suv zaxiralarining ozayishi, aholi sonining o‘sishi hamda qishloq xo‘jaligida suvdan samarasiz foydalanish bilan bog‘liq.

O‘zbekiston uchun ham suv resurslarini tejash masalasi dolzarb hisoblanadi. Mamlakatdagi sug‘oriladigan dehqonchilik katta hajmdagi suvni talab qiladi.

So‘nggi yillarda tomchilatib sug‘orish texnologiyalarini joriy etish, kanallarni betonlashtirish va suv hisobini raqamlashtirish bo‘yicha qator loyihalar amalga oshirilmoqda.

Iqlim o‘zgarishi tufayli kelajakda Markaziy Osiyoda suv resurslariga talab yanada kuchayishi kutilmoqda. Shu bois suvni tejash texnologiyalarini keng joriy etish va transchegaraviy suv resurslarini samarali boshqarish mintaqa uchun strategik ahamiyatga ega.

Dunyoda ichimlik suvi tanqisligi xavfi eng past bo‘lgan davlatlar beshligi esa quyidagicha:

▪️ Papua-Yangi Gvineya;

▪️ Islandiya;

▪️ Ekvatorial Gvineya Respublikasi;

▪️ Liberiya;

▪️ Yamayka.