Ўзбекистон сув танқислиги хавфи юқори давлатлар қаторидан жой олди

Таҳлилга кўра, қуйидаги 6 та давлатда ичимлик суви етишмаслиги хавфи энг юқори даражада:

• Қувайт;
• Кипр;
• Уммон;
• Қатар;
• Баҳрайн;
• Ливан.

Баҳолаш натижаларига кўра, “юқори” хавф гуруҳидан жой олган 21 та давлат орасида Ўзбекистон ҳам бор. Мамлакат умумий рейтингда 36-ўринни эгаллаган.

Марказий Осиёда яна икки давлат ҳам ушбу тоифага кирган:

▪️ Туркманистон – 33-ўрин;

▪️ Қирғиз Республикаси – 42-ўрин.

Қозоғистон (58-ўрин) ва Тожикистон (62-ўрин) эса сув танқислиги хавфи “ўртача юқори” бўлган давлатлар қаторидан жой олган.

Таҳлилга кўра, сув танқислиги кўпроқ ёғингарчиликнинг камлиги, ерости сув захираларининг озайиши, аҳоли сонининг ўсиши ҳамда қишлоқ хўжалигида сувдан самарасиз фойдаланиш билан боғлиқ.

Ўзбекистон учун ҳам сув ресурсларини тежаш масаласи долзарб ҳисобланади. Мамлакатдаги суғориладиган деҳқончилик катта ҳажмдаги сувни талаб қилади.

Сўнгги йилларда томчилатиб суғориш технологияларини жорий этиш, каналларни бетонлаштириш ва сув ҳисобини рақамлаштириш бўйича қатор лойиҳалар амалга оширилмоқда.

Иқлим ўзгариши туфайли келажакда Марказий Осиёда сув ресурсларига талаб янада кучайиши кутилмоқда. Шу боис сувни тежаш технологияларини кенг жорий этиш ва трансчегаравий сув ресурсларини самарали бошқариш минтақа учун стратегик аҳамиятга эга.

Дунёда ичимлик суви танқислиги хавфи энг паст бўлган давлатлар бешлиги эса қуйидагича:

▪️ Папуа-Янги Гвинея;

▪️ Исландия;

▪️ Экваториал Гвинея Республикаси;

▪️ Либерия;

▪️ Ямайка.