18 yoşdan kiçik tojikistonliklar işlaş uçun xorijga çiqolmaydi

Yangi qonun 1999 yildan beri amal qilib kelgan hujjat örnini egalladi. Avvalgi qonunda mehnat migrantlari uçun eng kam yoş alohida belgilanmagan edi.

Yangi qonunga köra, Tojikiston fuqarolari faqat migrantlarning huquqlari va qonuniy manfaatlari himoya qilinadigan davlatlarga mehnat migratsiyasiga borişi mumkin. Bunday himoya xalqaro bitimlar yoki Tojikiston bilan qabul qiluvçi davlatlar örtasidagi ikki tomonlama kelişuvlar asosida ta’minlanişi mumkin.

18 yoş talabi Tojikistonga işlaş uçun keladigan xorijiy fuqarolarga ham tatbiq etiladi.

Xorijda iş topişning ikki yöli

Qonunda Tojikiston fuqarolarining xorijda işga joylaşişi uçun ikki asosiy yöl nazarda tutilgan. Birinçisi, işni mustaqil ravişda izlaş, ikkinçisi esa xorijda işga joylaştiriş huquqiga ega agentliklar va boşqa taşkilotlar orqali uyuşgan holda işga yollaniş.

Mustaqil ravişda iş izlayotgan fuqarolarga migratsiya sohasidagi vakolatli davlat organi bepul ma’lumot berişi kerak. Bu ma’lumotlar böş iş örinlari, iş haqi miqdori, mehnat şaroitlari, iş beruvçilarning talablari hamda boriladigan davlatning qonunçiligi va qoidalarini qamrab oladi.

Vafot etgan migrantlarning jasadini vatanga qaytarişga kömaklaşiladi

Yangi qonunda xorijda vafot etgan Tojikiston fuqarolarining jasadini vatanga qaytarişga davlat organlari kömaklaşişi ham belgilangan.

Hujjatning 35-moddasiga muvofiq, bu vazifa taşqi siyosat sohasidagi vakolatli davlat organi, şuningdek, xorijdagi diplomatik vakolatxonalar va konsullik muassasalari zimmasiga yuklatilgan. 1999 yildagi qonunda bunday alohida norma mavjud emas edi.

Mehnat migratsiyasi Tojikiston iqtisodiyotida muhim örin tutadi. Jahon banki ma’lumotlariga köra, 2025 yilda migrantlar yuborgan pul ötkazmalari mamlakat yalpi içki mahsulotining qariyb 46 foiziga teng bölgan.