Pokistondagi kömir konida yuz bergan portlaşda 34 kişi halok böldi

Pokistonning janubidagi kömir konida yuz bergan portlaş oqibatida kamida 34 nafar konçi halok böldi. 

Viloyat favqulodda vaziyatlar boşqarmasi 31-iyul kuni ma’lum qilişiça, qutqaruvçilar bedarak yöqolgan boşqa konçilarni qidirişda davom etmoqda.

Dastlabki ma’lumotlarga köra, portlaşga metan gazining töplanişi sabab bölgan. Hodisa 30-iyul kuni tabiiy resurslarga boy Balujiston viloyati markazi yaqinidagi kömir konida yuz berdi.

Balujiston viloyati Favqulodda vaziyatlarni boşqariş boşqarmasi bergan bayonotida 34 nafar konçining jasadi topilganini ma’lum qildi. Ammo portlaş paytida kon içida qança odam bölgani oçiqlanmadi.

Guvohlarga köra, portlaş ovozini eşitgaç, yaqin atrofdagi konçilar içkarida qolgan işçilarni qutqariş uçun şaxtaga tuşgan.

Ahmad Zada ismli konçining aytişiça, portlaşdan keyin qutqaruv uçun şaxtaga tuşgan konçilar ham halok bölgan.

Hududi jihatidan Pokistonning eng yirik, ammo eng kambağal viloyati hisoblangan Balujiston ta’lim, bandlik va iqtisodiy rivojlaniş kabi körsatkiçlar böyiça ortda qolgan. Şunga qaramay, viloyat kömir, oltin va mis zaxiralariga boy.