Qozog‘istonda milliy valyuta (Тенге) nomi o‘zgarmoqda

Tengrinews nashrining xabar berishicha, Soliq kodeksidagi “Тенге” so‘zi “теңге”ga almashtiriladi. Aniqrog‘i, kodeksning rasmiy ruscha matnida milliy valyuta nomi qozoqcha “ң” harfi bilan yoziladi.

Milliy bank ham shunga o‘xshash ishni boshladi: avvalroq u o‘z qarorlarida “Тенге” so‘zini “теңге”ga almashtirish taklif etilgan loyihani muhokamaga qo‘ygan.

Soliq kodeksida yana nimalar o‘zgaradi:

• “иностранец” (chet ellik) so‘zi rasmiyroq bo‘lgan (иностранный гражданин” (chet el fuqarosi) iborasiga almashtiriladi;
• bir qator normalardagi “Parlament” so‘zi “Qurultoy”ga o‘zgartiriladi;
• alohida moddalarda "Qozog‘iston Respublikasi Qurultoyi" va "Qozog‘iston Xalq Kengashi" iboralari paydo bo‘ladi;
• "respublika referendumi" iborasi "umumxalq referendumi"ga almashtiriladi;
• hududlarni sanab o‘tishda endi avval poytaxt, so‘ng viloyatlar va respublika ahamiyatidagi shaharlar ko‘rsatiladi.

O‘zgartirishlar Soliq kodeksini yangi konstitutsiyaviy modelga muvofiqlashtirish bilan bog‘liq.