Tramp Yaponiya, Indoneziya va Filippin bilan yirik savdo bitimlariga imzo chekdi

Yaponiya AQShdan import qilinadigan tovarlar uchun boj stavkasini 25 foizdan 15 foizgacha tushirdi va 550 milliard dollarlik sarmoya kiritishga rozilik bildirdi. 

Indoneziya esa tarif stavkasini 32 foizdan 19 foizgacha kamaytirib, AQSh mahsulotlari (ayniqsa, qishloq xoʻjaligi va sanoat tovarlari)ga bozorni ochdi hamda 22,7 milliard dollarlik mahsulot xarid qilishga rozi boʻldi. 

Filippin esa AQShdan olib kiriladigan mahsulotlarga bojlarni butunlay bekor qildi va tarifni 19 foiz etib belgiladi. Ushbu kelishuvlar natijasida global fond bozorlari ijobiy oʻsdi — S S&P 500 indeksi rekord darajadagi 6309.62 punktga yetdi. 

Yaponiya fond bozori (Nikkei) ham 3 foizdan ortiq koʻtarildi. Biroq, Yaponiyada hukmron koalitsiya yuqori palatadagi asosiy oʻrinlarini yoʻqotdi, bu esa mamlakat ichki siyosiy muvozanatiga taʼsir koʻrsatdi. Endilikda Osiyodagi koʻplab mamlakatlar oʻz savdo siyosatlarini qayta koʻrib chiqishga majbur boʻlmoqda.