Oʻzbekistonlik bokschi qizlar jahon chempionatida 4 ta medalga ega chiqdi

Qayd etilishicha, unda Oʻzbekiston terma jamoasi muvaffaqiyatli ishtirok etib, oʻz tarixida ilk bor 1 ta kumush va 3 ta bronza medallariga sazovor boʻlgan. 

-66 kg vazn toifasidagi final jangida Navbahor Hamidova Olimpiada va jahon chempioni, turkiyalik Busenaz Surmenliga imkoniyatni boy berib, kumush medal bilan taqdirlangan. 

Shunday boʻlsa ham, u kattalar oʻrtasidagi dunyo birinchiliklarining finalida ringga koʻtarilgan birinchi oʻzbekistonlik bokschi qizga aylandi. 

Shuningdek, -48 kg vazn toifasida Farzona Fozilova, -50 kg vazn toifasida Sabina Boboqulova hamda -52 kg vazn toifasida feruza Kazakovalar bronza medal qoʻlga kiritgan.