"Soyuzmultfilm" Özbekiston bilan hamkorlikni tiklamoqçi

Rossiyaning «Soyuzmultfilm» kinostudiyasi Özbekiston bilan uzilib qolgan animatsiya hamkorligini qayta yölga qöyiş va qöşma loyihalarni amalga oşirişga tayyor. Bu haqda studiya direktorlar kengaşi raisi Yuliana Slaşçyova 9 noyabr kuni Toşkentda ötkazilgan III Özbekiston — Rossiya mediaforumida ma’lum qildi.

Uning aytişiça, tomonlar özbek xalq ertaklari, afsona va rivoyatlari asosida yangi animatsion asarlar yaratişi mumkin. Slaşçyova, şuningdek, milliy qahramonlarni zamonaviy multimedia mahsulotlari orqali yangi avlodga tanitiş muhimligini ta’kidlagan.

"Soyuzmultfilm"ning Özbekiston bilan tarixiy aloqalari

Yuliana Slaşçyova kinostudiyaning Özbekiston bilan tarixiy boğliqligini ham eslatdi. 1941–1945 yillarda "Soyuzmultfilm" jamoasi evakuatsiya qilingan davrda Toşkent va Samarqandda faoliyat yuritgan.

Keyinçalik studiya özbek xalq ertaklari asosida ham animatsion asarlar yaratgan. Jumladan, 1965 yilda Xöja Nasriddin haqida multfilm işlangan. 1978 yilda esa "Soyuzmultfilm" va "Özbekfilm" hamkorligida "Alim va uning eşagi" multfilmi suratga olingan.

Yangi qöşma loyihalar va animatorlar uçun imkoniyatlar

Slaşçyovaning fikriça, bugun özbek xalq oğzaki ijodi namunalari asosida qöşma animatsion loyihalar yaratiş uçun imkoniyatlar mavjud. U an’anaviy animatsiya tajribasini yangi texnologiyalar va yoş ijodkorlarning ğoyalari bilan uyğunlaştiriş zarurligini qayd etgan.

Şuningdek, "Soyuzmultfilm" öz tajribasini özbekistonlik mutaxassislar bilan bölişişga tayyor. Kinostudiya va Özbekiston ommaviy axborot vositalarini qöllab-quvvatlaş jamğarmasi örtasida özbekistonlik animatsiya rejissyorlari va prodyuserlari uçun stajirovkalar taşkil etiş böyiça kelişuvga erişilgan.

Slaşçyova, şuningdek, studiya tajribasida maşhur animatsion qahramonlar iştirokida seriallar, badiiy filmlar, kompyuter va mobil öyinlar hamda komikslar yaratilayotganini aytgan. Uning fikriça, bu yondaşuv özbek xalq ertaklari va afsonalari qahramonlarini ham yangi formatlarda ommalaştirişga xizmat qilişi mumkin.

Islom sivilizatsiyasi markazi bilan hamkorlik

Yuliana Slaşçyova Özbekistondagi Islom sivilizatsiyasi markazi faoliyati bilan ham tanişgan. U markazda tarix va madaniyat interaktiv, sodda hamda tuşunarli şaklda taqdim etilganini yuqori baholagan.

Slaşçyova markaz bilan tarixiy merosni zamonaviy multimedia vositalari orqali tarğib qiliş yönalişida hamkorlik qilişga tayyorligini bildirgan.