Mart oyida Toshkent shahrida uy-joy ijara narxlari pasaydi

Oʻrtacha taʼmirlangan uy-joy ijarasi. 2024-yil mart oyida ushbu sinfdagi 1 xonali xonadonlar uchun taklif etilgan ijara narxlari oʻtgan fevral oyiga nisbatan oʻrtacha 0.6% ga pasayib, $391 ni tashkil etgan boʻlsa, 2 xonali xonadonlar ijara narxlari esa 1.2% ga arzonlab,  oʻrtacha $436 gacha tushdi. Shuningdek,  oʻrtacha taʼmirlangan 3 va 4 xonali uylar ijara narxlari  mos ravishda 0.2% va 0.4% ga pasayib, oʻrtacha narxlar $513 va $591 ni tashkil etdi.

Oʻrtacha taʼmirlangan turkumdagi uylar uchun nisbatan arzon ijara narxlari Sergeli (1 xonali - $354, 2 xonali - $386 ,3 xonali - $435, 4 xonali - $441), Olmazor (1 xonali - $359, 2 xonali - $414, 3 xonali - $454, 4 xonali - $489) tumanlarida taklif etilgan boʻlsa, ushbu turkumdagi eng qimmat ijara narxlari Mirobod (1 xonali - $463, 2 xonali - $518, 3 xonali - $620, 4 xonali - $819) va Shayhontohur (1 xonali - $437, 2 xonali - $456, 3 xonali - $537, 4 xonali - $624) tumanlarida kuzatildi.

Toʻliq taʼmirlangan uylar ijara narxlari. Mart oyida toʻliq taʼmirlangan 1 xonali uylar uchun oʻrtacha ijara narxlari $472 ni tashkil etib, oʻtgan fevral oyiga nisbatan 0.8%ga tushgan boʻlsa, 2 xonali uylar uchun ushbu koʻrsatkichlar mos ravishda $644 va 1.1% ni tashkil etgan. Shuningdek, 3 xonali uylar uchun taklif etilgan oʻrtacha ijara narxlarida ($788) ham biroz (0,3%) tushish kuzatildi. Shuningdek, toʻliq taʼmirlangan 4 xonali uylar oʻrtacha ijara narxlari ham  0.9% tushib, $909 gacha pasaygan.

Toʻliq taʼmirlangan turkumdagi uylar uchun eng arzon ijara narxlari Sergeli (1 xonali - $394, 2 xonali - $449, 3 xonali - $556, 4 xonali - $646) va Uchtepa (1 xonali - $396, 2 xonali - $496, 3 xonali - $622, 4 xonali - $646) tumanlarida hamda ushbu turkumdagi  eng qimmat ijara narxlari Mirobod (1 xonali - $567, 2 xonali - $844, 3 xonali - $1024, 4 xonali - $1097) va Shayxontohur (1 xonali - 556$, 2 xonali - $845, 3 xonali - $1050, 4 xonali - $1024) tumanlarida kuzatildi.
 
Ijara narxlari toʻgʻrisidagi maʼlumotlar olx.uz platformasidan veb skreping (web scraping) usulida toʻplandi. Bunda 2024 yil fevral oyi uchun 51.5 ming va mart oyi chun 52.2 mingta maʼlumotlardan foydalanildi. Ikkala davr uchun ham tahlil narxlar chegarasining yuqori va pastgi 5% lik kvantillari chiqarib tashlangandan keyin amalga oshiriligan.