Mushukka qaynoq suv sepgan xitoylik jazoga tortildi

Unga koʻra, hukmdan keyin xitoylik shaxsning advokatlari tomonidan jazoni jarimaga almashtirish uchun apellyatsiya shikoyati berildi. Biroq 20-sentabr kuni Toshkent shahar jinoyat sudi shikoyatni rad etdi va qamoq haqidagi qarorni oʻz kuchida qoldirdi.

Jamiyat yuristi Dilshodbek Asadullayev sud jarayonida ishtirok etdi. Jamiyat ushbu qarorni qoʻllab-quvvatlab, mazkur fuqaroning Oʻzbekistondan deportatsiya qilinishiga ham erishishga harakat qilmoqda.

Maʼlumot uchun, 16 sentabrdan 17 sentabrgaa oʻtar kechasi Xitoy fuqarosi idishda ushlab turilgan mushukka bir necha bor qaynoq suv quyib, tashqariga chiqishiga yoʻl qoʻymagan. Voqea qoʻshnisining koʻzi oldida sodir boʻlgan va u erkakning mushukka zarar yetkazayotganini videoga olgan.