“National Geographic Traveler” jurnalida Oʻzbekiston haqida maqolalar eʼlon qilindi

Oʻzbekistonning turizm salohiyatini xalqaro miqyosda keng targʻib qilish maqsadida dunyoga mashhur sayyohlik nashri — “National Geographic Traveler” jurnali sahifalarida Oʻzbekiston haqida bir qator maqolalar chop etildi.

Maqolalarda Oʻzbekistonning qadimiy shaharlari — Samarqand, Buxoro, Xiva va boshqa tarixiy maskanlarning noyob meʼmorchiligi, yurtimizning xushmanzara joylari, hamda chet ellik sayyohlar uchun yaratilgan qulay sharoitlar haqida soʻz yuritiladi.

“National Geographic Traveler” jurnalida eʼlon qilingan ushbu maqolalar Oʻzbekistonning xalqaro imidjini mustahkamlash, chet ellik sayyohlar oqimini oshirish hamda turizm sohasining jadal rivojlanishiga xizmat qilmoqda, deyiladi xabarda.

Maʼlumot uchun: “National Geographic Traveler” butun dunyoda eng mashhur sayyohlik jurnallaridan biri sanaladi va dunyodagi eng faol hamda jadal rivojlanayotgan sayyohlik yoʻnalishlari haqida maqolalar va sharhlarni nashr etadi.