Netanʼyaxu Ozarbayjonga tashrif buyuradi. Aliyev uni hibsga oladimi?

Qayd etilishicha, Netanʼyaxu tashrifi davomida Ozarbayjonning Ibrohim kelishuvlariga qoʻshilishi masalasi ham muhokama qilinadi. Bu kelishuvlar Isroil va bir nechta arab davlatlari oʻrtasida diplomatik aloqalarni tiklashga qaratilgan boʻlib, Boku ham oʻz taʼsirini Markaziy Osiyoda kuchaytirish yoʻlida ushbu jarayonda ishtirok etishi mumkin.

Isroil Bosh vazirining Ozarbayjonga qaysi sanada borishi haqida hali aniq bir kun maʼlum qilinmadi.

Prezident Ilhom Aliyev yaqinda Turkiya Prezidenti Rajab Toib Erdoʻgʻan va Suriyaning yangi prezidenti Muhammad al-Shara bilan muzokaralar oʻtkazdi. Bu esa uni mintaqaning yetakchi diplomatik arboblaridan biri sifatida koʻrsatmoqda. AQSh va Isroil rasmiylari Aliyevni muhim mintaqaviy oʻyinchilar oʻrtasidagi koʻprik rolini oʻynay oladigan noyob shaxs sifatida baholamoqda.

Ilhom Aliyevning Binyamin Netanʼyaxuni Ozarbayjonda hibsga olishi ehtimoli juda past. Ozarbayjon va Isroil oʻrtasidagi strategik hamkorlik, ayniqsa mudofaa, energetika va xavfsizlik sohalarida, tobora mustahkamlanib bormoqda. Ozarbayjon Isroilning asosiy qurol-yarogʻ importchilaridan biri boʻlib, ikki davlat oʻrtasidagi siyosiy aloqalar ham faol rivojlanmoqda.​ Agar Ilhom Aliyev Netanʼyaxuni hibsga olmasa Ozarbayjonning Turkiya bilan iliq munosabatlariga putur yetishi mumkin.  

Eslatib oʻtamiz, avvalroq Isroil Bosh vaziri Binyamin Netanʼyaxu Gaagadagi Xalqaro jinoiy sudi yurisdiksiyasini tan olgan Vengriyaga davlat tashrifi bilan borgan edi. Keyinchalik, Vengriya Bosh vaziri maʼmuriyati rahbari Gergey Guyyash Netanʼyaxu tashrifi doirasida Vengriya Xalqaro jinoiy suddan (XJS) chiqishi haqida ogohlantirgan edi.