Oltin narxi yana rekord koʻrsatkichni qayd etdi

Taqqoslash uchun, yil boshida ushbu qimmatbaho metallning 1 grami 1 million 132 ming 200 soʻmdan sotilgan edi. Natijada, 5 grammlik oltin quymasi narxi ilk bor 8 million soʻmlik chegaradan oshib, 8 million 43 ming soʻmga yetdi.

Shuningdek, 50 grammlik quyma — 80 million 425 ming soʻm, 100 grammlik quyma esa — 160 million 851 ming soʻmdan baholanmoqda.

Jahon bozorida ham oltin narxi yuqori surʼatda oʻsmoqda: troysk unsiyasi 4037,15 dollarga, yaʼni 1 grami taxminan 129,73 dollarga teng. 

Markaziy bank 2020 yildan buyon aholiga 999,9 namunadagi toza oltindan tayyorlangan quymalarni taklif qilib kelmoqda. 

Hozirda 5, 10, 20, 50 va 100 gramm ogʻirlikdagi quymalar sotuvda mavjud. Maʼlumot oʻrnida aytish joiz, oltin quymalarning har kungi narxlari Markaziy bankning rasmiy veb-saytida milliy valyutada eʼlon qilinadi.