Oʻzbekiston AQShga 100 milliard dollardan ortiq investitsiya kiritadi — Tramp

Trampning soʻzlariga koʻra, keyingi uch yil ichida Oʻzbekiston qariyb 35 milliard dollar miqdorida xarid va investitsiya amalga oshiradi, keyingi oʻn yil ichida esa bu koʻrsatkich 100 milliard dollardan ortiqni tashkil etadi.

“Oʻzbekiston AQShning strategik sohalariga — foydali qazilmalar, aviatsiya, avtomobil ehtiyot qismlari, infratuzilma, qishloq xoʻjaligi, energetika, kimyo va axborot texnologiyalariga katta sarmoya yoʻnaltiradi”, — dedi Tramp.

Prezident bu bayonotni Oq uyda Qozogʻiston, Qirgʻiziston, Tojikiston, Turkmaniston va Oʻzbekiston yetakchilari ishtirok boʻlib oʻtgan “C5+1” sammiti chogʻida berdi. Muzokaralarda iqtisodiy hamkorlik, investitsiya va xavfsizlik masalalari muhokama qilindi.

Jahon banki maʼlumotlariga koʻra, 2024 yilda Oʻzbekistonning YaIM hajmi 115 milliard dollardan kam boʻlgan. Shu sabab, Tramp eʼlon qilgan 100 milliard dollarlik sarmoya rejasi mamlakat iqtisodiyoti uchun rekord koʻlamdagi investitsiya hisoblanadi.