Oʻzbekiston Rossiyadagi migrantlarning huquqlari buzilganligi yuzasidan Federatsiya Tashqi ishlar vazirligiga nota yubordi

Joriy yilning 10 iyun kuni Oʻzbekiston Tashqi ishlar vazirligida Rossiya tomoni bilan navbatdagi migratsiya masalalari boʻyicha uchrashuv boʻlib oʻtdi.  

Uchrashuvda Rossiyadagi Oʻzbekiston fuqarolariga nisbatan ruxsatsiz tekshiruvlar, hurmatsizlik va qoʻpol muammolarlar kuzatilayotgan toʻgʻrisida xabarlar tashvish uygʻotayotganini haqida soʻz ochilgan.

Vazirlik  Federatsiya hududida Oʻzbekistonlik mehnat muhojirlariga qilinayotgan munosabat ikki mamlakatning doʻstona munosabatlariga aslo toʻgʻri kelmasligi, bunday holatlarning oldini olish uchun aniq chora-tadbirlar zarur ekanligini taʼkidladi.

"Oʻzbekiston Respublikasi xorijda yashayotgan va vaqtincha boʻlib turgan fuqarolarining huquq va manfaatlarini himoya qilishni oʻzining ustuvor vazifasi deb biladi.

Ushbu masala yuzasidan Oʻzbekistonning Moskva shahridagi elchixonasi tomonidan ham Rossiya tomoni bilan tegishli diplomatik kanallar orqali muloqot olib borilmoqda", deyiladi vazirlik xabarida.

TIV Rossiya Federatsiyasining tegishli idoralarini Oʻzbekiston fuqarolariga nisbatan hurmat bilan munosabatda boʻlish, ularning shaʼni va qadr-qimmatini kamsitmaslikka chaqirdi.

"Moskvadagi holat yuzasidan Rossiya Tashqi ishlar vazirligiga Elchixonamiz tomonidan nota yuborilib, Rossiya TIVdan ushbu holatga izoh berish hamda inson huquqlari yaqqol buzilganligi aks etganligi, bu esa qabul qilib boʻlmas holatligi taʼkidlanib, kuch ishlatar tashkilot vakillarining harakatlariga huquqiy baho berish soʻralgan.

Oʻzbekiston Respublikasi Tashqi ishlar vazirligi ushbu masalani oʻzining doimiy nazoratida ushlab turadi va kerakli hollarda qoʻshimcha choralar koʻrishni davom ettiradi", deyiladi vazirlik xabarda.