2026-yilda O‘zbekistondan ko‘chib ketganlarning 83 foizi Qozog‘istonga yo‘l olgan

2026-yilning yanvar-iyun oylarida O‘zbekistondan xorijiy mamlakatlarga doimiy yashash maqsadida 5 ming 422 nafar fuqaro ko‘chib ketgan.

Bu ko‘rsatkich 2025-yilning mos davriga nisbatan 129 nafarga yoki 2,3 foizga kamaygan.

Xorijga doimiy yashash uchun ko‘chib ketganlarning asosiy qismi – 83 foizi Qozog‘iston Respublikasi hissasiga to‘g‘ri kelgan. 14,1 foizi esa Rossiya Federatsiyasiga yo‘l olgan.

Shuningdek, ko‘chib ketganlarning 0,8 foizi Koreya Respublikasiga, 0,6 foizi Qirg‘iz Respublikasiga, qolgan 1,5 foizi esa boshqa davlatlarga safar qilgan.

Hududlar kesimida eng ko‘p fuqaro:

• Qoraqalpog‘iston Respublikasi – 1 899 nafar;
• Toshkent viloyati – 1 431 nafar;
• Navoiy viloyati – 1 203 nafar to‘g‘ri keldi.

Bundan tashqari, Toshkent shahridan 492 nafar, Xorazm viloyatidan 79 nafar, Buxoro viloyatidan 59 nafar, Jizzax viloyatidan 50 nafar va Samarqand viloyatidan 48 nafar fuqaro xorijga doimiy yashash uchun ko‘chib ketgan.

Eng kam ko‘rsatkich Surxondaryo viloyatida qayd etilib, ushbu hududdan 9 nafar fuqaro xorijga doimiy yashash maqsadida ko‘chib ketgan.