Toshkent shahri uchun “Noqonuniy qurilish” maxsus Telegram-boti ishga tushdi

Bosh prokuratura tomonidan Toshkent shahrining me’moriy qiyofasini saqlash, shaharsozlik normalariga qat’iy rioya etilishini ta’minlash va noqonuniy qurilishlarga chek qo‘yish maqsadida samarali jamoatchilik nazoratini tashkil qilish uchun “Noqonuniy qurilish” maxsus Telegram-bot dasturi ishga tushirildi.

Ushbu (@noqonuniy_qurilish_bot) Telegram-bot orqali poytaxtdagi noqonuniy qurilishlar haqida tezkor ma’lumot berish imkoniyati paydo bo‘lmoqda.

“Agar Siz ko‘p qavatli uylar yon-atrofi, sport maydonchalari, bolalar o‘yingohi, yashil hudud yoki boshqa jamoat joylarida noqonuniy qurilish obyektlariga guvoh bo‘lsangiz, zudlik bilan yuqoridagi bot orqali xabar yo‘llashingizni so‘raymiz”, - deyiladi rasmiy xabarda