Qurilish ishlari hajmi 14,5 foizga o‘sdi

Milliy statistika qo‘mitasi ma’lumotlariga ko‘ra, 2026-yilning yanvar-may oylarida O‘zbekistonda 104,9 trln so‘mlik qurilish ishlari bajarilgan.

Bu ko‘rsatkich o‘tgan yilning mos davriga nisbatan 14,5 foizga oshgan.

 Qurilish ishlari hajmi yillar kesimida quyidagicha (yanvar-may):

2022-yil – 45,8 trln so‘m;

2023-yil – 52,2 trln so‘m;

2024-yil – 59,1 trln so‘m;

2025-yil – 87,5 trln so‘m;

2026-yil – 104,9 trln so‘m.

Eng ko‘p qurilish qayerda?

Joriy yilning yanvar-may oylarida hududlar kesimida eng yirik qurilish ishlari bo‘yicha Toshkent shahri peshqadam (28 025,2 mlrd so‘m). 

Shuningdek, Toshkent viloyati (10 704,9 mlrd so‘m) va Buxoro viloyatida (7 218,9 mlrd so‘m) ham yirik loyihalar amalga oshirilgan.

Iqtisodiy faoliyat turlari bo‘yicha qurilish ishlari

2026-yilning yanvar-may oylarida qurilish ishlari iqtisodiy faoliyat turlari bo‘yicha:

- bino va inshootlar qurilishining ulushi 70,4 foizni;

- fuqarolik qurilishi loyihalarining ulushi 20,1 foizni;

- ixtisoslashtirilgan qurilish ishlari yo‘nilishi 9,5 % ulushni tashkil etdi.