Oʻzbekistonga olib kelingan falastinliklar uchun maxsus jamgʻarma tashkil etiladi

Mamlakat prezidenti bu boradagi mamlakat pozitsiyasini turli xil xalqaro va mahalliy darajadagi yigʻilishlarda gapirmoqda.

2023 yil 3 noyabr kuni prezident Sh.Mirziyoyev tomonlarni zudlik bilan harbiy harakatlarni toʻxtatishga, oʻt ochishni toʻxtatishga va gumanitar maqsadlarda sulhga oʻtishga chaqirdi.

Unga koʻra. Yaqin Sharqdagi bu muammoning yagona va eng adolatli yechimi "ikki xalq uchun ikki davlat" tamoyili asosida qabul qilinishi kerak. BMT rezolyutsiyalarida belgilanganidek, Falastin xalqi mustaqil davlat tuzish huquqiga ega.

2023 yil noyabr oyida Sh.Mirziyoyev BMTning Yaqin Sharq agentligiga (UNRWA) Gʻazo sektoridagi falastinlik qochqinlarga yordam berish uchun 1,5 million dollar ajratish toʻgʻrisidagi qarorni imzolagan edi.

2024 yil 26 dekabr kuni 100 nafar yaralangan falastinlik ayollar va bolalar kuzatuvchilari bilan birga Rafahdan Oʻzbekistonga evakuatsiya qilingan edi.

Ular vaqtincha yashash joylariga joylashtirildi, tibbiy koʻrikdan oʻtkazilib, kerakli dori-darmonlar va kundalik ehtiyojlar bilan toʻliq taʼminlandi.

Falastindan Oʻzbekistonga olib kelingan fuqarolarning munosib hayot kechirishi uchun barcha zarur sharoitlar yaratildi.

Joriy yilning 12 avgust kuni bu yoʻnalishda alohida chora-tadbirlardan iborat prezident farmoni qabul qilindi. Uning maqsadi – Oʻzbekistondagi falastinlik fuqarolarga davlat gʻamxoʻrligi, mehr-shafqat tamoyillari asosida koʻmak berish tizimini yoʻlga qoʻyishdan iborat.

Prezident farmoni koʻra:

- Oʻzbekistonga olib kelingan falastinlik fuqarolarga zarur ish stajiga ega boʻlmagan keksa fuqarolarga beriladigan nafaqa tayinlanadi;

- har bir mehnat yoshidagi mehmon (I va II guruh nogironligi boʻlgan shaxslar bundan mustasno) uchun har oyda minimal isteʼmol xarajatlari miqdorida yashash nafaqasi joriy etiladi;

- mehmonlarning har bir oilasiga yashash manzili boʻyicha uy-joyning ijara xarajatlari qoplab beriladi;

- mehmonlarga farzand tugʻilganda beriladigan bir martalik nafaqa hamda dafn etish uchun nafaqa toʻlovi Oʻzbekiston fuqarolari uchun belgilangan miqdorda toʻlanadi;

- mehmonlarning har bir oilasiga birlamchi zaruriy vositalar xaridi uchun bir martalik koʻtarma pul qoʻshimcha toʻlab beriladi;

- mehmonlarning oila aʼzolariga shaxsiy hamrohlik qilish va individual koʻmak koʻrsatish uchun bittadan mahalladagi ijtimoiy xodim biriktiriladi.