Oʻzbekistonga tashrifi bekor qilingan Yaponiya Bosh vaziri isteʼfoga chiqmoqda

Yaponiya Bosh vaziri Fumio Kisida, uzoq yillar hukmronlik qilgan Liberal-demokratik partiya (LDP) rahbari sifatida keyingi oyda isteʼfoga chiqishi mumkinligi haqidagi bahslar kuchayib ketgach, ikkinchi muddatga nomzodini qoʻymaslikka qaror qildi. Bu haqida CNN xabar qildi.

"Shaffof va ochiq saylovlar, erkin va qizgʻin bahs-munozaralar har qachongidan ham muhimroq. LDP oʻzgarishini koʻrsatish uchun eng muhim qadam — mening isteʼfoga chiqishimdir",

deydi matbuot anjumanida Kisida.

Eslatib oʻtamiz, 2024-yil 9-avgust kuni Qozogʻiston Respublikasining Ostona shahrida Markaziy Osiyo mamlakatlari va Yaponiyaning 450 dan ortiq vakillarini birlashtirgan “Markaziy Osiyo + Yaponiya” biznes-forumi boʻlib oʻtgan edi. 

Tadbir doirasida Kisidaning tashrifi ham rejalashtirilgan, biroq Yaponiya meteorologiya agentligining Tinch okeani janubi-gʻarbdan Yaponiyaning markaziy qismigacha choʻzilgan hududida yuzaga kelishi mumkin boʻlgan kuchli zilzila xavfi haqida ogohlantirishi sababli Fumio Kishida 9−12-avgust kunlari Qozogʻiston, Oʻzbekiston va Moʻgʻulistonga rejalashtirilgan safarini bekor qilgandi. 

Shundan soʻng Prezident Shavkat Mirziyoyev Fumio Kishida bilan telefon orqali muloqot qilgan. U mamlakatda kutilayotgan sunami yuzasidan xavotir bildirgan va Yaponiya bosh vazirining Oʻzbekistonga tashrifini kechiktirish qarorini “toʻliq tushunishini” bildirgan.