Pensionerlar yer va mol-mulk soligʻidan toʻliq ozod qilinadimi?

Mol-mulk soligʻida yagona shart

Soliq qoʻmitasiga koʻra, Soliq kodeksining 421-moddasiga muvofiq jismoniy shaxslardan olinadigan mol-mulk soligʻi boʻyicha imtiyoz barcha pensionerlarga tatbiq etiladi. Biroq bu imtiyozdan foydalanish uchun yagona shart mavjud:
pensionerning mulkida boʻlgan turar joy obʼekti uchun imtiyoz faqat 60 kv/m maydon doirasida amal qiladi.

Yer soligʻida imtiyoz faqat yolgʻiz pensionerlarga

Yer soligʻi boʻyicha esa Soliq kodeksining 436-moddasiga asosan imtiyoz faqat yolgʻiz pensionerlarga beriladi.

Qonunchilikka koʻra, yolgʻiz pensioner — bu yolgʻiz oʻzi yoki voyaga yetmagan yoxud nogironligi boʻlgan bolalari bilan yashaydigan pensioner deb hisoblanadi.

Imtiyozdan foydalanish uchun nima qilish kerak?

Imtiyozlardan foydalanish uchun pensionerlar:

• pensiya guvohnomasi yoki Pensiya jamgʻarmasi bergan maʼlumotnoma
• shuningdek mahalladigi MFY tomonidan beriladigan maʼlumotnomani

soliq organiga taqdim etsalar, imtiyoz qoʻllaniladi.