Ramazonga sovgʻa: ehtiyojmandlarga 1 mln soʻmgacha yordam

Qarorga muvofiq:

— Ijtimoiy reyestrning “davlat taʼminotidagi oila” toifasiga kiritilgan oilalar, oʻzgalar parvarishiga muhtoj yolgʻiz yashovchi keksalar va nogironligi boʻlgan shaxslar, shuningdek, yetim va ota-ona qaramogʻidan mahrum boʻlgan bolalar yashayotgan oilalarga 1 million soʻm miqdorida bir martalik moddiy yordam koʻrsatiladi.

— Ijtimoiy reyestrning “kambagʻal oila” toifasidagi hamda “mahalla yettiligi” tomonidan shakllantirilgan qoʻshimcha roʻyxatga kiritilgan ehtiyojmand oilalarga 500 ming soʻmdan bir martalik moddiy yordam ajratiladi.

— Shuningdek, Ijtimoiy reyestrdagi oilalarning 6 ming nafar bemor aʼzosining davolanishi va jarrohlik amaliyotlari bilan bogʻliq xarajatlar davlat tomonidan qoplab beriladi.

Mazkur chora-tadbirlar Ramazon oyida aholining ijtimoiy himoyasini kuchaytirishga qaratilgan.