Rossiyadagi oʻzbekistonliklar shoshilinch ogohlantirildi

Ayni kunlarda Rossiyaning Kursk, Bryansk va Belgorod viloyatlarida Rossiya-Ukraina urushi davom etayotgani sababli Oʻzbekistonning Rossiyadagi elchixonasi fuqarolarga ehtiyot choralarini koʻrishni, oʻta zarurat boʻlmasa koʻchaga chiqmaslikni, jamoat joylarida kamroq boʻlishni tavsiya etgan. 

Shuningdek, ushbu hududlarda oʻqiyotgan talabalarga ham vaqtincha masofaviy taʼlim shakliga (onlayn) oʻqishlari ham qayd etilgan. Agar konsullik yordami yoki maslahat kerak boʻlsa, Oʻzbekistonning Moskvadagi elchixonasiga tegishli boʻlgan konsullik boʻlimiga bogʻlanish mumkinligi aytilgan. 

Maʼlumot uchun, joriy yilning 6 avgust kuni Ukraina Qurolli kuchlari Kursk viloyatiga hujum boshlagan edi. 9 avgust kuni mintaqada federal darajadagi favqulodda holat joriy etildi. 10 avgustdan esa Rossiya Federatsiyasi Milliy aksilterror qoʻmitasi Belgorod, Kursk va Bryansk viloyatlarida Ukrainaga qarshi operatsiya rejimini joriy qilindi. 

Eslatib oʻtamiz, avvalroq Rossiya Liberal-demokratik partiyasi (LDPR) raisi Leonid Slutskiy boshchiligidagi LDPR fraksiyasi tomonidan mamlakatga ishlash uchun kelgan migrantlarning shaxsiy daromad soligʻini 30 foizgacha oshirish taklif qilingan edi.