Samarqand noʻxat shoʻragi geografik koʻrsatkich sifatida davlat roʻyxatidan oʻtkazildi

“Geografik koʻrsatkichlar toʻgʻrisida”gi qonunga koʻra, tovarni muayyan geografik obʼekt hududidan kelib chiqqan tovar sifatida identifikatsiyalovchi belgi geografik koʻrsatkich deb eʼtirof etilib, unda tovarning sifati, nom qozonganligi yoki boshqa xususiyatlari uning geografik jihatdan kelib chiqishiga sezilarli darajada bogʻliq boʻladi.   

 Adliya vazirligi geografik koʻrsatkichlarni huquqiy jihatdan muhofaza qilish sohasidagi vakolatli organ hisoblanadi. Samarqand viloyat adliya boshqarmasi va "Intellektual mulk markazi" davlat muassasasining koʻmagi bilan Samarqand noʻxat shoʻragi geografik koʻrsatkich sifatida Adliya vazirligi tomonidan davlat roʻyxatidan oʻtkazildi.  

Samarqand viloyat adliya boshqarmasi boshligʻi Salohiddin Sattarov bugun Samarqand viloyat  hokimi vazifasini bajaruvchi Adiz Boboyevga  Samarqand noʻxat shoʻragi geografik koʻrsatkich hujjatini topshirdi.