Shahnoza Mirziyoyevaning mushugi yoʻqolib-topildi

U 11 oktabr kuni mushugi Qorasuv-1 (sobiq Lunacharskiy) hududida yoʻqolganini eʼlon qilgan edi. Shahnoza Mirziyoyeva fuqarolarga murojaat qilib, uni topishda yordam soʻradi, mushuk oila bilan yillar davomida birga yashagan va ayniqsa bolalar uchun juda qadrli boʻlganini taʼkidladi. Oila butun mahallani aylanib chiqqan va eʼlonlar yopishtirgan, lekin hech qanday natija boʻlmagan. Shundan soʻng Mirziyoyeva Instagram-sahifasi orqali eʼlon berdi. 

Mazkur eʼlon Internetning oʻzbek segmentida qizgʻin muhokamalarga, ayrim hollarda hazil-mutoyibalarga sabab boʻldi. Oradan koʻp oʻtmay mushuk topilgani eʼlon qilindi.
“Mushugimiz topildi. U endi uyda va men nihoyat xotirjam boʻldim”, deya yozdi Mirziyoyeva. Uning qoʻshimcha qilishicha, mushuk 11 oktabrdan beri tinimsiz izlab chiqilgan. 

“Moʻjiza roʻy berdi. Oʻzbekistonning barcha befarq boʻlmagan fuqarolariga chin qalbimdan minnatdorlik bildiraman. Atrofimizda shunchalik yaxshilik, mehr va insoniylik borligini his qildim! Sizlar eʼlonni tarqatib, iliq soʻzlar bilan qoʻllab-quvvatladingiz, ijtimoiy tarmoqlarda boʻlishdingiz, qoʻngʻiroq qildingiz va yordam qoʻlini choʻzdingiz. Har bir xabar, har bir repost ahamiyatsiz qolmadi. Sizning mehr va gʻamxoʻrligingiz tufayli sevimli mushugimiz yana uyimizda”, deya xursandchilik bilan post qoldirgan Mirziyoyeva. 

Taʼkidlanishicha, mushuk izlash ortidan koʻplab yaxshi insonlar birlashgan, yordam qoʻlini choʻzgan. 

“Bunday damlarda atrofimizda qanchadan-qancha mehribon va samimiy insonlar borligini yana bir bor his etdim. Hammangizga katta rahmat. Kichik doʻstlaringizni asrang. Biz ularni qoʻlga oʻrgatganmiz va ular uchun javobgarmiz”, deya oʻz postini yakunlagan Shahnoza Mirziyoyeva.