Shavkat Mirziyoyev “Markaziy Osiyo–Rossiya” sammitida qanday tashabbuslarni ilgari surdi?

Xususan:

– birgalikda qabul qilingan qaror va loyihalar ijrosini tezlashtirish uchun hukumat rahbarlari oʻrinbosarlari darajasida Muvofiqlashtiruvchi kengash taʼsis etishni;

– tovar ayirboshlashni koʻpaytirish va qishloq xoʻjaligi mahsulotlarini yetkazib berish jarayonlarini yengillashtirish maqsadida “Markaziy Osiyo–Rossiya agroekspressi” loyihasini ishga tushirishni;

– avtomobil, temir yoʻl va aviatsiya aloqalari sohasida milliy dasturlarni uygʻunlashtirish uchun mamlakatlarimiz Transport-logistika konturini ishlab chiqish tashabbusini;

– Buxoro shahrida ilgʻor muhandislik yechimlarini ishlab chiqish va joriy etishga qaratilgan “Markaziy Osiyo–Rossiya” sanoat injiniring xabini tashkil etishni;

– Toshkentda oʻtkaziladigan “Innoprom. Markaziy Osiyo” koʻrgazmali forumiga mintaqaning asosiy sanoat va innovatsiya maydoni maqomini berishni;

– atom energetikasi yoʻnalishida Mintaqaviy kompetensiyalar markazini Oʻzbekistonda tashkil etish, shuningdek, Moskva davlat muhandislik-fizika institutining Toshkent filiali negizida Kadrlar tayyorlash dasturini qabul qilishni;

– “Markaziy Osiyo va Rossiya energetik sherikligi” kompleks dasturini ishlab chiqish, shuningdek, uglevodorodlarni qidirish va qayta ishlash, energiya tejovchi va “yashil” texnologiyalarni joriy etish boʻyicha hamkorlikni kengaytirishni;

– Sunʼiy intellekt va raqamli texnologiyalar boʻyicha Mintaqaviy ekspert kengashini tashkil etish, shuningdek, mamlakatlarda “Skolkovo” innovatsiya markazi filiallarini ochishni;

– “Kelajak muhandislari” konsorsiumini tuzib, Markaziy Osiyo va Rossiyaning yetakchi oliygohlari va ilmiy markazlari salohiyatini birlashtirish hamda yosh tadqiqotchilar va olimlar uchun Maxsus grantlar dasturini taʼsis etishni;

– har yili oʻtkaziladigan Markaziy Osiyo va Rossiya xalqlari madaniyati, sanʼati va ijodiyoti festivali — Etnomadaniyat forumini tashkil etishni;

– terrorizm, ekstremizm, kibertahdidlar va odam savdosiga qarshi kurashish boʻyicha birgalikda choralar koʻrish muhimligini qayd etdi hamda Afgʻoniston boʻyicha yuqori darajadagi maslahatlashuvlar oʻtkazishni taklif qildi.