Isroildagi oʻzbekistonliklar mamlakatni qanday tark etishi mumkin?

Qayd etilishicha, mamlakatni tark etish istagida boʻlgan oʻzbekistonliklar quyidagi nazorat oʻtkazish punkti orqali chiqib ketishi mumkin:

 •"Menaxem Begin" / "Taba" — Isroil-Misr chegarasida joylashgan (Isroilning Eylat va Misrning Taba shaharlari oʻrtasida);

 • "Shayx Xusayn" — Isroil-Iordaniya shimoliy chegarasida joylashgan (Isroilning Bayt-Shean va Iordaniyaning Irbit shaharlari oʻrtasida);

 • "Itsxak Rabin" / "Vadi Arava" — Isroil-Iordaniya janubiy chegarasida joylashgan (Isroilning Eylat va Iordaniyaning Akaba shaharlari oʻrtasida).

Yuqorida koʻrsatilgan chegara punktlari hozirgi vaqtda odatiy tartibda 24 saot davomida faoliyat koʻrsatmoqda.

1️Misr orqali:

Oʻzbekiston fuqarolari "Menaxem Begin"/"Taba" nazorat-oʻtkazish punktini kesib oʻtib, Misrga vizasiz ("Sinay kirish muhri" orqali) kira oladilar. "Sinay kirish muhri"- 14 kungacha faqat Sinay yarim oroli hududida boʻlish huquqini beradi (Qohira va boshqa shaharlarga safar qilish mumkin emas). 21 yoshga toʻlmagan fuqarolarga ota yoki onalaridan biri hamrohlik qilishi shart.Shuningdek, "Taba"dan Sharm ash-Shayxgacha (270 km) avtobus yoki avtomobillarda harakatlanish imkoniyati mavjud. 

 Aviaqatnovlar (Sharm ash-Shayx aeroportidan):

- Uzbekistan Airways: Haftasiga 3 marta (seshanba, chorshanba, shanba, soat 12:35) Toshkentga.

- "Turkish Airlines: Har kuni 1 yoki 2 marta Istanbulga (Istanbul xalqaro aeroportiga) (Toshkentga tranzit).

- Pegasus Airlines: Har kuni 1 yoki 2 marta Istanbulga («Sabixa Gyokchen» aeroportiga)  (Toshkentga tranzit).

2️ Iordaniya orqali:

"Shayx Xusayn" (Bayt-Shean sh.) yoki "Isxak Rabin"/"Vadi Arava" (Eylat sh.) nazorat-oʻtkazish punktlari orqali Iordaniya poytaxtigacha borib, keyin quyidagi aviayoʻnalishlardan foydalanish mumkin:

• «Ummon – Istanbul – Toshkent»

• «Ummon – Dubay – Toshkent»

Elchixonaga koʻra, Iordaniyaga kirish uchun mamlakat IIV sayti orqali viza olish zarur: 

https://www.moi.gov.jo

https://moi.gov.jo/EN/Pages/Visa_E_Applications

https://www.eservices.moi.gov.jo.

Zarur hollarda Oʻzbekiston Elchixonalarining favqulodda telefon raqamlariga murojaat qilishingiz mumkin:

- Misrda (+202 333-617-23; +20 128 666-1441, eg.uzembassy@mfa.uz);

- Saudiya Arabistonida, oʻrindoshlik asosida Iordaniyada (+966 11 263-5223, +966 56 721-7731, uzbembriyadh@gmail.com);

- Isroilda (+972 (3) 672-2466, 672-2371, 758-5075, 758-5076, (54) 485-1397, il.uzembassy@mfa.uz).

"Isroil hududini tark etayotganda shaxsiy xavfsizlik ehtiyot choralarini koʻrishni va Front orti buyrugʻi tomonidan berilgan koʻrsatmalarga qatʼiy amal qilishni soʻraymiz", deyiladi elchixona xabarida.

Oʻzbekistonning Isroildagi elchixonasi bundan avval mamlakatda yuzaga kelgan murakkab vaziyat yuzaga kelayotganligini eʼtiborga olib oʻzbekistonliklarni shaxsiy xavfsizlik choralarini koʻrish va raketa otishmalari paytida boshpanalarini tark etmasliklarini soʻragan edi.