«Ğazoliklarning ahvoli oğir»: Lyuis Hemilton Isroilga murojaat qildi

Formula-1 poygalarining yetti karra çempioni Lyuis Hemilton Isroilni Misrdan Ğazoga insonparvarlik yordami olib kirilişi uçun «Rafah» nazorat-ötkaziş punktini qayta oçişga çaqirdi. Hozirda hududda kuçli yomğirlar va vaqtinçalik çodir-lagerlarni suv bosişi oqibatida şaroit oğirlaşgan.

Uşbu çaqiriq çorşanba kuni — britaniyalik F1 poygaçisining Ğazo bilan çegaradoş Misr şimolidagi Al-Ariş şahriga taşrifidan bir kun ötib yangradi. U yerda Hemilton Misr Qizil Yarim oy jamiyati tomonidan qamalgan anklavga yuborişga tayyorlangan insonparvarlik yordamini közdan keçirgan edi.

«Ğazo va Falastindagi odamlar şu qadar tang ahvoldaki, ularning uşbu yordamga bölgan ehtiyoji ayni paytdagidan ortiq bölişi amrimahol. Şu sababli biz Isroilga jiddiy bosim ötkazişimiz va uşbu yordam ularga yetib borişini ta’minlaş uçun birgalikda harakat qilişimiz zarur», — deb yozdi Hemilton ijtimoiy tarmoqdagi postida.

Hemiltonning ta’kidlaşiça, bir neçta hududda eng zarur mahsulotlar saqlanayotgan omborlar mavjud, biroq çegaralar yopiqligi sababli bu ta’minot unga muhtoj falastinliklarga yetib bormayapti.

«Adolatsizlik»

Hemiltonning Instagram sahifasidagi postda uning Misr Qizil Yarim Oy jamiyati köngillilari va xodimlari bilan uçraşgani aks etgan.

«Isroilning Ğazoda sönggi uç yildan beri olib borayotgan genotsidi dahşatli. Odamlarning erkinlik, xavfsizlik va öz qadr-qimmatidan mahrum qilinişi — adolatsizlikdir. Heç bir insonga uning hayoti boşqalarnikidan qadrsizroqdek munosabatda bölmaslik kerak», — dedi Hemilton.

Isroil Boş vaziri Binyamin Netanyahu esa Isroil Ğazo sektoriga qişki zarur mahsulotlar kirişini keçiktirmoqda, degan ayblovlarni rad etdi.

150 ming çodir çegara ortida

BMTning 11 noyabr kuni ma’lum qilişiça, gumanitar hamkorlar va a’zo davlatlar xarid qilgan 150 mingdan ziyod çodir çegara ortida qolmoqda. Ularni Ğazo sektoriga olib kiriş uçun Isroil ruxsati kerak.

Taşkilotning gumanitar masalalar böyiça rahbari Tom Fletçer Isroilda yangi hukumat şakllanişini kutiş Ğazoga qiş mavsumi uçun zarur vositalarni yetkazişdagi keçikişlar uçun «örinli bahona emas»ligini bildirdi.

Avvalroq Ğazo sektoridagi 70 mingga yaqin çodirni suv bosgani haqida xabar bergandik.